Ostirala, 2014-08-29
  • HITZA oporretan

Batukada tailerra, Sainduan

Ostiralean batukada tailerra egingo dute Zo-Zongo taldearekin. 17:30ean hasiko da.

Jab Akustik Trio taldeak joko du ostiralean Uxoan

Men of Rock Musika Elkarteak antolatuta, Jab Akustik Trio taldeak joko du ostiral honetan Uxoa tabernan (Butroi pasealekua, 1), doan. 22:00etan hasiko da kontzertua.

‘Azti txikia’ filma proiektatuko dute ostiralean Itsas Etxean, euskaraz

Ostiral honetan, hilaren 11n, Azti Txikia filma proiektatuko dute Itsas Etxea Auditoriumean, euskaraz. 18:00etan hasiko da emanaldia eta 3 euro balio du sarrerak.

Jaizkibeleko zundaketekin Txinzerrek mendia hustu dezakeela salatu dute

Jaizkibel Mendia Babestu Dezagun

Jaizkibel menditik ura xurgatzeko sei zundaketak erabili ahal izateko Uraren Euskal Agentziak (Ura) Txinzerri emandako baimena Txinzerrek berak jarritako baldintzetan oinarritzen dela salatu du Hondarribiko Jaizkibel Mendia Babestu Dezagun talde ekologistak.

Piano ikasleen kontzertua, ostegunean, Kultur Etxean

Hondarribiko Musika Eskolako 2. hiruhilabeteko ekitaldiekin bukatzeko, Miren Erostarberen piano ikasleek kontzertua emango dute ostegunean, hilak 10, 18:30ean Kultur Etxeko areto nagusian.

Rock gaua antolatu du Banakok larunbaterako, Kontraband eta Rolling Dice taldeekin

Banako tabernak rock and roll gaua antolatu du larunbaterako, hilaren 12rako, Rolling Dice eta Kontraband taldeekin. 22:30ean hasiko da eta sarrerak 5 euroko prezioa izango du.

Ostegunean Muaran batzarra egingo du Hondarribia Herria Aurrera talde berriak

Hondarribia Herria Aurrera taldeak batzarra egingo du ostegunean, hilak 10, 19:30ean Muaran, “aurrera begira zer egin aztertzeko”. Bilera irekia dela esan dute eta ezker abertzaleko kide guztiei luzatu diete bertara joateko gonbidapena. Sorturekin ez jarraitzea erabaki zuten herriko ezker abertzaleko kideek eratu dute Hondarribia Herria Aurrera taldea.

Klarinete ikasleen kontzertua, asteazkenean, Kultur Etxean

Hondarribiko Musika Eskolako 2. hiruhilabeteko ekitaldien barruan, klarinete arloko ikasleek kontzertua emango dute asteazkenean, hilak 9, 17:30ean Kultur Etxeko areto nagusian. Musika eskolako beste ikasle batzuk San Gabriek zaharren egoitzara joango dira eta bertan kontzertua emango dute, 18:00etan, egoiliarrentzat.

Odei Gonzalez (Xerinkeneko erliak): “Podiuma lortu nahi dugu”

Herri Olinpiadak kubritzeko esfortzu berezia egiten ari da HITZA eta Aitor Baztarrika Olinpiadak TBko kideari laguntza eskatu dio. Kamararekin duen abileziaz gain, kazetari bezala ere asko balio duela erakusten ari da. Hona hemen adibide bat, Xerinkeneko Erliak taldeko Odei Gonzalezi egindako elkarrizketa. Datozen egunotan Baztarrikaren testu gehiago sartuko ditugu olinpiadetako atal berezian.

Ama Guadalupekoak ordezkaritza zabala izango du eskola adineko Espainiako Judo Txapelketan

Hondarribiko haur eta kadete mailetako judokek bost urrezko domina lortu zituzten Euskadiko Txapelketan eta Espainiakorako sailkatu dira. Beste hiru kirolari zuzenean sailkatu dira, estatuko rankineko lehen postuetan daudelako.