Asteazkena, 2014-11-26

Fernando Etxepare Ametsa Abesbatzaren sortzailea ostiralean omenduko dute

Santiago kalearen eta Aixinxolua Ibilbidearen arteko biribilgune erdizirkularrean Etxepareren omenezko plaka jarriko dute haren heriotzaren bigarren urtemugan.

“Kontsumo arduratsua” bultzatuko du udalak Euskal Kostaldeko Gabonetako Azokan

2013ko Gabonetako Azokaren irudia

Azokaren 9. ekitaldia hartuko du Ficoba erakustazokak abenduaren 6tik 8ra bitartean. Irungo Udalak stand propioa izango du urtero bezala eta “kontsumo arduratsua” bultzatzeaz gain, hiriko 27 saltokiren erakusleiho izan nahi du. Irungo Artisauen V. Azoka ere jarriko dute bertan.

Abenduaren 8an gaixorik dagoen bale bat iritsiko da hondartzara

Plastikerrek itsasoa plastikoz bete du, eta bale gaixoa noraezean dabil. Pirritxek eta Porrotxek, Txo Mikmak indioaren eta haren aitona Rokeren laguntza beharko dute itsasoari txiribuelta emateko. Hondarribiko turismo bulegoetan eta Irungo AEKn eros daitezke sarrerak, 7 euroan.

A25aren mobilizazioak, arratsean, Bidasoan eta Oarsoaldean

Irunen bi izango dira, bat 19:00etan eta bestea 19:30ean. Pasaia, Oiartzunen eta Errenteria-Oreretan 19:00etan elkarretaratzeak egingo dituzte.

Indarkeria sexistaren aurkako mezu ugari zintzilikatu dituzte ikasleek

'Axola zait' sentsibilizazio gunea

Axola zait izeneko sentsibilizazio gunea prestatu du Irungo Udalak ikastetxeekin elkarlanean Zabaltza plazan, egun osoan zehar. Ikastetxe ezberdinetako ikasleek kamiseta zaharretan idatzitako mezuak zintzilikatu dituzte bertan. Mobilizazioek hartuko dute lekukoa arratsaldeko azken orduan.

Zubieta da soluzio bakarra

Plaiaundiko kirolgunea tokiz aldatzeko eta Txingudiko hiru hiriak bidegorriz lotzeko aukerak aztertzen ari dira Irun eta Hondarribiko udalak, aldundia eta jaurlaritza. Bidegorriarena zehazteke, kirol gune berria Zubietako lursoroan egiteko ados jarri dira lau erakundeak.

Nagore Laffagen eta haren amaren omenez, Asun Casasola ipuin motzen lehiaketa antolatu du TASek

Asun Casasola ipuin motzen lehiaketaren aurkezpena

Nagore Laffage erail zutenetik haren amak aurrera eramandako borroka goraipatu nahi du plataformak eta bide batez, “Nagoreren memoria bizirik mantendu, guztiok garelako Nagore”.

Juan Tamariz mago mitikoak ilusioz eta magiaz beteko du Amaia KZ

Juan Tamariz magoa (J.A)

Magia potagia izenburuko saioa eskainiko du andaluziarrak hilaren 29an, larunbatarekin. Consuelo Lorgia igarle telepatikoaren laguntza jasoko du Tamarizek ohiko magia eta ilusionismo saioa osatzeko.

Hondakinen Prebentziorako Europako Astearekin bat egin du Emaus Fundazioak

Azaroaren 22tik 30era bitartean garatzen ari dira kanpaina Europa osoan. Irungo EkoCenterrak bi modutan parte hartuko du iniziatiban: batetik, dendan egunero berrerabilpenera bideratutako artikuluak pisatu eta horrek suposatzen duen baliabide aurrezpena kalkulatuko dute; bestetik, berrerabilpenaren bidez saihestutako CO2 kopurua zenbatzeko on line kalkulagailua eskuragarri jarri dute.

“Adierazpenaren eraketa” medio, testu propioa plazaratu du EH Bilduk

Koalizio abertzaleak adierazpen instituzionala “berdintasun lan batzordean” lantzearen aldeko proposamena egin ondoren, erantzun ezberdinak jaso dituela onartu arren “horien artean gehien harritu izan gaituena hurrengoa da: ‘adierazpen hauek instituzionalak dira eta ez sozialak‘”.